يجتمع عدد كبير ، من نجوم الكوميديا ، في فيلم بعنوان “فار بـ 7 ترواح”، حيث يضم الفيلم، سليمان عيد، محمد لطفي، محمد رضوان، أحمد فتحي، شريف حسني، إبراهيم السمان، لينا صوفيا، فرح الزاهد، وغيرهم ، بالاضافة الي مجموعة من ضيوف الشرف
تدور قصته في اطار كوميدي رعب
كشف صناع فيلم «فار بـ 7 ترواح»، في تصريحات لـ«et بالعربي» ، عن تفاصيل شخصياتهم، خلال العمل، المقرر عرضه في السينما قريبًا ، وتدور قصته في إطار كوميدي رعب
ويجسد الفنان سليمان عيد ، شخصية “جثة”، ويكون عنصر مشترك، بين جميع أبطال العمل .
قال سليمان عيد : «الناس في الفيلم ، بتتعامل مع الشخصية، على أنه ميت، وهو فعلًا بيكون ميت قدامهم، وبيبقى عبء على كل حد بيقابله في الفيلم، ومعظمهم بيلاقي جثة في حياته
منهم اللي بيستغل الجثة، في حجات معينة ، وفيه اللي بيهرب منها، وفيه اللي بيرميها، كل واحد في الفيلم بيبقى ليه حكاية، والجثة دي بتكملهاله، والصعوبات في الشخصية ، إني بتحط في حجات زي سجادة ، ومناطق ضيقة».
محمد رضوان ولطفي .. رجال أعمال
وأضاف الفنان محمد رضوان :«أنا ومحمد لطفي ، هنقدم دور رجال أعمال، والجثة بتقع علينا ، وبستغلها، بحيث إني ببقى ماضي على نفسي شيكات ، وبسجل الجثة باسمي عشان أنصب بيها ، ومدفعش».
وتابع مطرب المهرجانات عنبة :«طالع بشخصية واحد ابن ناس ، وفيه واحدة مصاحبها ، وعايز احضنها، وخلتني في يوم اتعاطى مخدرات، وجابت صحابها ، والجثة لقيناها محطوطة في برميل».
وتجسد الفنانة فرح الزاهد ، ولينا صوفيا ، دور طالبتان في كلية الطب، كما يقدم الفنان أحمد فتحي ، ومحمد أوتاكا بائعي «روبابكيا»، وخلال أحداث الفيلم يظهر الفنان محمود حافظ ، والفنانة ندى موسى ، بشخصية زوجين في حفل زفافهما.
